De Pfyffer:inne, wo sich uff unseri Syte 'verirre', empfähle mir: Bsuech doch au die wunderbar Syte
I
D‘Doublés darfsch drum au phrasiere.
Und d‘Fimferrief bewusst platziere!
S‘ruesst baslerisch — als Alternative.
Drum mäld Di uff die Initiative.
Mr sammle unveröffentliggti Märsch.
No ghaimi Drummelschätz — das wärs.
S‘Zyyl isch — mr dien nit ibertryybe
all die Märsch ins Reine z'schryybe.
Am Schluss gäbt‘s denn, das isch kei Gfaasel
en alternativs Drummelbuech z'Basel!
UM WAS GOHT'S?
Fir alli, wo in Basel drummle
und mit dr Drummle umme bummle:
Hesch letschti nit in dr Schublade unde
e n aiges Drummelmärschli gfunde?
Ains, wo no niemmerts kenne duet.
Villicht findsch Du‘s no z‘wenig guet,
um uuse z‘goo uff d‘Fasnachtsplätz.
Loos uff s‘Härz — das wär nit lätz!
Fir s‘Märschli bruucht's kai Kapriole
mit Zweiedryssigschtel-Triole.
Au tierisch graad muess es nit klinge.
Lieber ab und zue bitz swinge.
UFF DÜTSCH
Das Basler Trommeln ist ein wunderbares Füllhorn. Wir alle, die wir trommeln, getrommelt haben und trommeln werden, tun das mit Herzblut. Sonst lassen wir es sein;-) In unseren Adern fliessen Beeri. Schöne, runde, eckige, schlappe, tolle, schräge, feine, energetische, in jedem Fall eigene. Und alle sind wir Basler Trommler und Trommlerinnen und tragen diese einzigartige Basler Faszination in uns, mit uns - und damit in die Welt hinaus.
Wir sind überzeugt: Aus dieser Faszination heraus sind Trommelmärsche entstanden, die nie an die Luft gelangt sind. In den Schubladen unserer Stadt liegen Preziosen. Zeitzeugen. Perlenbeeri. Schnellschüsse. Meisterwerke. Märsche und Kompositionen, die nie veröffentlicht wurden. Sie waren halt nur für unser Dambuurezüügli, so zum Warmwerden. Ist ja doch nicht gut genug. Ich finde das Drummelmärschli toll, habe aber nie gewagt, es zum Oesch oder zum Schlebach zu bringen.
Genau diese Märsche möchten wir sammeln. In ihnen steckt mit der Kern, der Reichtum und auch die Entwicklung des Basler Trommelns.
Diese Kompositionen dokumentieren, was zur Fasnacht gehört: Sie ist für alle da, sie nährt sich auch aus uns allen. Sie bringt unser aller Kräfte zum Schwingen:-)
Aus dieser Sammlung soll ein Buch entstehen, eine Zeitgeschichte des Basler Trommelns, das ist unser Ziel. Ein bisschen alternativ, oder sagen wir: ergänzend. Ganz sicher aber von unten heraus, von der Strasse, aus den vielen Bögglikällern, in denen weiter leidenschaftlich an der Geschichte und Zukunft des Basler Trommelns gearbeitet wird.
Märsch sueche & finde
Hesch e eigene Drummelmarsch in dr Schublaade? Nimm mit uns Kontaggd uff. Hesch en in Hieroglyphe, Bärger, Muusig oder Zündstoff gschriibe? Alles guet. Liis bitte s glai Reglemänt duure und schigg s dört integrierte Formblatt unterschriibe mit, damit alles sy Richtigkeit hett.
Kontaggd agäh
Via Formblatt kasch uns die nötigi Info mitgää. Wär bisch du? Wie alt bisch, wo hesch drummle gleert? Was machsch hütt? Für uns isch jedi Info wärtvoll.
Hintergrund
Garnier dr Marsch au mit e bitz Hintergrundinfo: Wenn isch är entstande? Gitts e bsundere Aaloss, wurum du ihn wie gschriibe hesch? Isch är uff dr Gass hörbar gsi und wenn joo, vo wäm? Wenn d au e Hörbyschpil hesch, schigg uns dr File, mir sinn gluschtig und gwundrig.
Marsch & Formblatt yyschigge
Schigg uns dy Marsch und s unterschriibene Formblatt, äntwäder per Mail oder per Poscht.
Vo uns übersetze loo
Mir schrybe dy Marsch ins Reine. Dr Roli in Hieroglyphe, dr Lars in Zündstoff. Wenn mir Frooge hänn, wärde mer di uff jeede Fall kontaktiere. Vor em Publiziere griegsch e 'Guet zum Drugg'.
Zem Schluss e Buech
Unser Ziel isch, us allne dääne Märsch e Buech z mache. Sicher als online-Version, denn au als Printversion. Je nach dr Grosszügigkeit vo de Gäldgääber koschteloos oder für e Sälbschtkoschtepryys;-) Wie mer allfälligi Köschte wider yynehoole, loss unseri Sorg sy.
Koschtet di nüt
Das alles wämmer ehrenamtlig schaffe. Di koschtet das alles nüt. Du wirsch aber au nüt draa vrdiene. Wemmer Gäld yynegriege, wärde mer das zerscht für d Unköschte und als Obulus für unseri Arbet yysetze. Was sicher isch: Alli Rächt an dynere Arbet blyybe bi dir.
Alles stoht gnauer in däm glaine Reglemänt rächts unde, wo du mit em Marsch unterschriibe yschiggsch. Bisch derbyy?
SO FUNGGZIONIERT'S
TEAM
KONTAGGT
SAAG SALI
UNSERI ADRÄSSE
SOUSCHEL MIIDIA
Telefon: 061 281 49 36
Email: figoe(ät)gmx.ch
Alternativs Basler Drummelbuech
Roland Fischer, Bachlettenstrasse 5, 4054 Basel
